Монгол Улсын Ерөнхийлөгчийн урилгаар Япон улсын цог жавхлант эзэн хаан Нарүхито тэргүүтэй зочид төлөөлөгчдийн өндөр дээд хэмжээний айлчлал маргааш Улаанбаатарт эхэлнэ. Уг айлчлалын үйл ажиллагаатай холбогдуулан долоодугаар сарын 13-ны өдрийг хүртэл Хан-Уул, Сүхбаатар, Чингэлтэй, Баянзүрх дүүргийн нутаг дахь Их Монгол, Олимпын гудамж, Энхтайваны өргөн чөлөө, Наадамчдын гудамж, Чингисийн өргөн чөлөө зэрэг гудамж замуудын хөдөлгөөнийг түр хугацаанд хязгаарлана. Эдгээр байршилд замын хамгаалалт, зохицуулалт хийгдэж, маргаашаас эхлэн хэсэгчлэн хаахаар болжээ.

Иргэд та бүхэн цагдаагийн алба хаагчийн хууль ёсны шаардлагыг биелүүлж, бусдад хүндэтгэлтэй хандан, замын хөдөлгөөний дүрмийг баримталж, хөдөлгөөнд соёлтой оролцохыг Замын хөдөлгөөний удирдлагын төвөөс мэдээллээ.